個個都問緊，究竟《雷霆掃毒》個蒙面agent係邊個。其實由佢第一次出場開始，唔少觀眾已能憑佢嘅背影同語氣，知道佢就係……蔣志光。

其實唔需要諗得太多，第一，《雷霆》海外版trailer片段早洩咗有蔣志光真身出現嘅鏡頭，唔使講咁agent一定係佢啦；第二，其實喺每集片尾林峯情深唱歌仔嘅時候，credit嗰度大大隻字寫住﹕「蔣志光飾演agent」。第三，TVB劇情簡介都打埋人名，已經唔使估。

之不過，劇情發展落去，蔣志光呢個agent會俾阿鬼郭政鴻殺死，阿鬼再畏罪自殺仲攬晒所有罪名上身：勢估唔到agent都有第二代———冇錯，係潘Sir黃智賢。但打扮竟然同蔣志光個look一模一樣，搞到觀眾都搲頭，以為臨陣易角咋。