周秀娜、呂慧儀及黎諾懿前晚在旺角新寶戲院出席新戲《惡胎》首映，官恩娜、廖碧兒及幾位o靚模，包括DaDa、A.Lin及AnnieG.等都有捧場，吸引近百市民將戲院圍實，甚為熱鬧。一向性感盡搶風頭的周秀娜，今次身為女主角，卻只以透視裝配tubetop及短褲示人，驟眼看頗為密實，反而呂慧儀一身吊帶裙加大露背，成為焦點。

周秀娜談到被搶去風頭時笑說：「我都透視o架，今日第一次做女主角嘅戲首映，心情好緊張，特登揀條適合場合嘅裙着。」問她輸給呂慧儀會否喊？周秀娜說：「我喺戲裏面就有喊。」她謂男友遲到，稍後才入場欣賞，又謂平時很少到旺角逛街，因為怕有鏹水彈。
呂慧儀表示裙子是設計師訂做，又謂不怕走光，她說：「我圍住咁黐晒膠紙，好安全。」至於贏周秀娜成為焦點，呂慧儀說：「唔係嘅，我以為人哋只會睇條事業線㖭，我今日條裙都冇，唔好成日畀大家睇到嘛，我喺戲裏面都唔多性感。」問她到旺角怕不怕人多？呂慧儀說：「唔怕，林雪個肚腩幫我隔住啲人。」若該戲票房好，會否更性感示人？她說：「睇吓條事業線理唔理想先啦。」
早前呂慧儀被拍到與導演葉念琛吃飯，她說：「唔只我，仲有黃宗澤同梁嘉琪。」問她怕不怕被指黐導演？呂慧儀說：「唔會，何況平時都冇約出去，食飯係傾工作上嘅嘢啫。」她表示沒留意葉念琛常與女演員傳緋聞，但對方常教她演戲。

此外，同場的05年華裔小姐冠軍倪晨曦談到與黃宗澤的親密合照被貼上facebook，她說：「參選時佢係嘉賓，其實工作人員都有同佢影o架，我同佢識咗幾日咋。」問到當時黃宗澤有否追求她，倪晨曦迴避說：「影下相啫，佢係好好人好nice。」她表示沒有男友，也不會因黃宗澤有女友而失望。
採訪：張俊銘　攝影：黃偉雄