電影《L風暴》出品人黃百鳴、導演林德祿、演員陳庭欣及栢天男，今日去到銅鑼灣 Cinema City Victoria出席「《L風暴》x少年警訊優先場」。

演員之一鄭嘉穎今個月結婚，黃百鳴話嘉穎喺今年年頭已經通知佢8月要結婚，話希望唔好撞正部戲上畫，點知咁啱撞正，要缺席宣傳，黃百鳴話：「嘉穎話23號會出席首映，佢冇請我飲。」黃百鳴話今次部戲收得已經係對嘉穎嘅心意，又話唔排除會搵佢哋夫妻檔拍戲。

陳庭欣今次喺戲中面飾演警察，做張智霖嘅下屬，陳庭欣話：「能夠同男神合作好開心，我同佢咁啱都係8月27日生日。」陳庭欣話自己今年生日好大機會要坐監，因為到時會拍一部關於監獄嘅電影，男友今年第一年同陳庭欣過生日，陳庭欣話冇準備任何嘢，生日交俾男朋友諗。

精選娛聞，喺晒《娛果》
http://fb.com/appledailyent