【新增圖片】
韓國音樂盛事《第33屆金唱片頒獎禮》分別於噚日及今日喺九老區高尺天空巨蛋舉行，頒獎禮分「音源部門」及「唱片部門」舉行，噚日就頒發「音源部門」嘅獎項，今日就頒發「唱片部門」嘅獎項。

今日下午一眾歌手率先現身紅地毯，限定組合Wanna One噚日因為成員河成雲要考大學嘅入學考試而未有出席《金唱片》，今日河成雲終於歸隊，Wanna One齊人現身紅地毯。

人氣女團TWICE今日亦有出席，不過成員都非常密實，只係晒腿現身。人氣男團防彈少年團（BTS）噚日雖然失落大賞，不過今日佢哋亦有出席，有望再爭大賞，成員今日心情更非常好，不時大擺搞鬼甫士。

另外，IZ*ONE、Stray Kids、Seventeen等組合都有現身紅地毯。

而今晚司儀由女星姜素拉孖男歌手成始景擔任，身材弗爆嘅姜素拉今日就穿上白色deep V露背連身裙現身，大騷事業線，成功搶去一眾女星風頭。

精選韓流，喺晒《娛果》
http://fb.com/appledailyent