傅嘉莉今日喺銅鑼灣出席足球活動，佢之前去韓國拍廣告，順便出席朋友為婚前舉行嘅單身派對，但係喺當地遇到交通意外，幸好無受傷。

噚晚傅嘉莉已於微博寫道:「昨晚發生的事心仍耿耿於懷，竟然在首爾發生交通意外。我和Jolie(陳逸璇，一度改用藝名陳菀淇進軍樂壇)坐計程車去南大門途中，司機切右線與隨後中巴踫撞，而我正坐右邊感到車門被猛烈撞擊嚇得尖叫，之後車好像失控，而且馬路兩旁都是車，司機不停左右扭軚挽救，幸好左右行走一段路能停下來，後來員警來了安排下車，現在剛回到港才鬆一囗氣。」

發生咗事之後，傅嘉莉怕屋企人擔心，冇即時講畀家人知，反而係要通知公司同事，佢話知道公司傾緊今次嘅工作。而佢返咗香港後，即刻用碌柚葉沖涼，話要保持正能量，但今日一講番件事，諗起都仲有啲驚，佢話：「整個旅程都好開心，仲同其中一個女性朋友留低玩，點知坐的士，被尾隨嘅一架車撞，事發時候個腦諗咗好多嘢!」唔知佢諗咗乜嘢？可能一陣會於微博撰長文同大家分享。