麥廸文及班亞弗力念小學時已經認識，後來更拍檔到荷李活搵食，最終一同憑97年的《驕陽似我》（GoodWillHunting）奪得奧斯卡最佳原創劇本獎。雖然兩人近年少有機會合作，但仍然十分老友，日前就雙雙帶同老婆及女兒到夏威夷度假，共享天倫兼慶祝父親節。

麥廸文及班仔兩家人在當地的節目非常健康，全以戶外活動為主，周二當日兩個大男人去了海灘比試滑浪，雖然二人婚後發福不少，但身手依然不俗，玩得有板有眼。翌日班仔的明星老婆珍妮花嘉娜及麥廸文老婆Luciana，就一起帶同自己的女兒Violet及Isabella到海灘戲水。雖然Luciana並非圈中人，但她跟珍妮花毫無隔膜，兩位師奶一邊吹海風一邊分享湊女經，談得非常投契。
從照片所見，歲半大的Violet女生男相，樣子十足爸爸班仔，至於Isabella也跟爸爸麥廸文一樣面扁扁，趣致得很。昨日兩家人再到當地河流玩划艇，大抵班仔太累，並沒有參與。

另外，同樣在度假的美國R&B天后BeyonceKnowles，現時仍然與男友Jay-Z乘坐豪華遊艇暢遊地中海，享受陽光與海灘。Beyonce於周三被拍到穿上銀色泳衣在遊艇上的泳池中嘆香檳，露出玲瓏浮的豐滿身材，更不時刻意將巨躉浮上水面暴曬，十分香艷。

麥廸文同班仔兩個3字頭嘅住家男人滑起浪嚟依然有兩道板斧，加埋愛家形象，果然同佢地齣成名作一樣「驕陽似我」。
蘋果娛樂特派評述員哈利仔