張祺忠指妻子會惡言相向 曾指他廢又罵「食屎啦你」
張祺忠殺妻謀殺
香港大學機械工程系副教授張祺忠涉嫌謀殺妻子，案件今於高等法院續審。張祺忠昨於自辯時供稱婚姻愉快，但今指亦不時與妻子爭拗，「言語上係好激烈下嘅，我記得我係嬲到手震嘅」。他指妻子會惡言相向，例如說「靠你就揸兜都得啦」及「食屎啦你」。張謂：「通常我聽咗就算㗎喇，但有時就會駁返佢一句囉；你都唔知發生乜事，唔好講咁多啦！」
張祺忠舉例指，有時晚上他要就宿舍事務開會，妻子卻指他有宿舍導師幫手，揚言：「畀佢哋做咪得囉，使乜自己做啫？」妻子又會說：「你都唔識做嘢嘅，梗係畀下面啲細嘅做。」當他解釋有些事情必須身為舍監的他親自出馬，妻子便會罵道：「你都廢嘅，點做嘢啫你？」張說通常聞言均感很憤怒，會離開現場或關門獨處。
張續說，有次妻子說他工作繁重，為何不要求升職；他說升職不是這樣做，爭論間妻子發怒責罵：「咁你仆街啦！」張續指，妻子每兩三個星期就會為類似事情罵他，說出「靠你就揸兜都得啦」、「食屎啦你」等語，令他感到非常侮辱。案發前一個月兩人曾前往英國旅行，爭執間張揚言不再跟妻子外遊；張今解釋只是晦氣話。張指兩夫婦從來不會拳腳雙向；他亦從不打子女，但妻子會打。
張祺忠又憶述，2012年女兒從英國畢業回港，應邀加入中學同學新創立的電子競技公司，妻子稍後從英國回港得悉後不悅，指責他為何讓女兒在此公司工作，認為他應該找一份更好的工作給女兒。
兩年後女兒離開公司，待業數月。張供稱，妻子埋怨他「點解唔喺大學搵份畀佢(女兒)」，他解釋不是他找份工作給女兒便可，但妻子不理，「佢話你做咗廿幾年，搵份工都搵唔到咩？甚至乎要我代個女申請份工作，亦都係我哋爭執嘅一個原因。」他指妻子同樣出言侮辱：「搵份工畀個女都唔得，你真係廢㗎喇。」
辯方問張與子女關係如何，張形容「好好」，比較緊張女兒，「可能因為佢係女嘅關係」，但對兒子也一樣關心。
至於自己的脾氣，張祺忠自言「易忟」。辯方請他講述2014年佔領期間一次發怒的經過，張自言當時是大學教師工會幹事，當年10月初幾個工會擬發表聯合聲明，他用電話訊息商討內容，「Tina（妻子）見到，就叫我唔好理呢啲嘢啦，咁我就好嬲喇，話咁大家都唔好用電話啦」，隨即把室內無線電話和基座拋出窗外。張稱因為做正經事卻被勸阻，所以動怒。
張又憶述有次下屬漠視警告，胡亂移除他用於機械人比賽的膠紙，故他打電話兇惡地責罵對方，不過事後自覺不應怒罵，遂向下屬致歉。張自覺自己越來越容易動怒和不滿，又會自言自語謂「咁都做錯㗎」，又會向桌上拋擲文件。
辯方提及張於2008年至2018年間消瘦了17磅，張稱「周圍啲人都話我瘦咗，但我自己唔知點解」。2018年4月，張細菌感染，入住瑪麗醫院兩周。張憶述當時發高燒至40度，要臥床吸氧，「我問過袁國勇教授，佢話呢個細菌入血有10%死亡率」。辯方問張，同年夏天工作量如何，張稱工作多，既要處理迎新營活動及申請續任舍監，又要撰寫法庭專家證人報告。
據死者胞妹供詞指，死者於案發前幾年曾想過離婚。張確認妻子提過離婚，「佢提嘅背景係點樣呢？Tina話：『暑假唔同我旅行嘅話呢，我就離婚㗎喇！』」其後妻子卻沒有採取任何行動。張說自己沒想過離婚，也沒有就此諮詢過法律意見。聆訊繼續。
-----------------------------
-----------------------------