韓劇《懷抱太陽的月亮》35歲女星韓佳人去年升呢做媽咪，不過佢就未有復出拍劇，反而專心湊B，所以其演員老公延政勛就頻頻現身賺奶粉錢。而近日延政勛接受節目《Section TV演藝通信》訪問時，就提到愛妻及囡囡。

延政勛自爆與韓佳人之間嘅暱稱：「我哋都有暱稱，不過就成日改，最近係Mickey同Mimi，而囡囡就係Minnie。」認真溫馨，延政勛仲話囡囡似韓佳人多啲，長大後又係一名靚女！不過問被到老婆嘅缺點，延政勛就直言韓佳人係完美主義者，所以有時性格會比較急躁。