行山近年可以話係香港人好鍾意嘅活動之一，又可以強身健體、又可以睇到靚景，仲可以見到發哥周潤發，好似日前咁，就有讀者行山嘅時候，見到發哥，發哥仲幫手截的士。

嗰日讀者見到發哥嘅地方就西貢東壩，呢個地日頭夜晚都有咁多人行，因為日頭可以睇到水庫邊緣的山崖有大自然鬼斧神工嘅六角柱石，又可以睇到海蝕洞，到咗夜晚，都有好多觀星愛好者去觀星。

如果大家都想去東壩睇星、行山或者撞下發哥，以下三個方法畀大家參考下。
1.可從西貢市中心坐的士直達東壩，約20分鐘。
2.參加火山探知館免費導賞團，可乘坐穿梭巴士直達東壩。
3.從西貢市中心乘94號巴士，在北潭涌站下車，沿大網仔路、西貢萬宜路行約十公里到東壩，需兩至三小時。