當年今日
關於我們

【動畫●「唔知點解起唔到身」】無病無痛昏迷十一年 「麗莎」黃煥嬋睡醒:媽媽過咗身

蘋果日報 2017/09/28 07:01

昏迷麗莎十一年

「昏睡同昏迷係唔同,我有感覺,但起唔到身,我同自己講我唔要死,我唔想白白咁死!」昏睡讓麗莎的靈魂被軀體囚禁,斷絕了與外界的接觸。
整整十一年,腦海中五歲的兒子;再睜開眼,已經是青少年,十六歲了。日復日、年復年,有感受卻動彈不得,麗莎直言根本不知道11年的時光就此過去。
原名黃煥嬋的麗莎,來自新加坡、70年代的廣東歌后,下月即將在香港舉行首次個人演唱會。
麗莎早前於觀塘為宣傳演唱會受訪,眼前的她精神飽滿、樂觀開朗又健談,最近更榮升祖母,不時享受嫲孫樂,生活愜意。提到分別於10月及11月喺伊利沙伯體育館舉行的《最愛麗莎全經典演唱會》,麗莎說:「第一次四面台,表演嘅方式會有啲唔同,舞步都要改啲。」
【「就係唔知點解起唔到身」】
9歲便穿梭各種商演,1972年憑《相思淚》首次來港演出,十年後退出歌壇時,她從未認為自己可以唱到老:「我嗰時覺得要搵份穩定嘅工,要結婚生仔,於是開咗間錄音帶工廠。我咩都親力親為,生咗仔都帶埋返工廠,真係好大壓力,仲要煮飯、打理屋企,最後生意失敗。」
這就是引致昏睡的原因?麗莎坦言壓力很大,但昏睡卻是因醫生拒絕開藥而引發:「我一直有食藥,但佢(醫生)驚我過量,所以唔畀。我知道自己昏睡之後,我喺個腦海講『我!唔!要!死!』我唔放棄,為咗個家,我個仔仲咁細,我唔想白白咁死。當時喺醫院scan過晒所有嘢都冇事,點解我會起唔到身?十一年?我唔知道,病就係病,日日都係咁過,係,我完全感受到,就係唔知點解起唔到身,唔知道點計日子。」
【昏迷醒來 母親已離世】
問麗莎從昏睡中醒過來,第一個感受是怎樣?她說:「你哋以為一醒就醒,其實唔係咁。到我諗大概十年半左右,我就慢慢好啲好啲,日日都試下起身。起身之後,見到個仔喺身邊,冇講啲乜嘢,我剩係諗自己係咪都會死,同埋成日都想嘔。」無論身邊的人、事,甚至她的容顏都改變了:「十一年好長,我照鏡,嘩,變咗好老又咁肥嘅?因為冇郁,水腫呀!」
醒來以後,麗莎重新向最愛的道路出發:「我真係好鍾意唱歌,o依家仲有得唱,老嘢都仲得喎。不過起身嗰陣係唔敢唱,因為把聲好低,真係好辛苦,但係唔唱歌我冇錢呀。當時媽媽過咗身,個仔又得16歲,於是凌霄(新加坡歌手)鼓勵我,仲介紹唱片公司老闆畀我,老闆叫我去卡拉OK試下,話如果我唱就$200一次,我即刻問下朋友,因為我驚人哋呃我呀。我心諗,以前我紅得不得了喎,我朋友都$400一次啦,點解我仲少錢過佢嘅?」
【我唔要死】
後來,麗莎到新加坡著名的景點濱海藝術中心(Esplanade)獻唱,她話:「當時全場爆晒,但我好弱、個身好震、又唔夠氣,覺得自己好醜。後來,啲人都話我點解唱得咁差,我以為冇機會啦,點知老闆叫我唔好放棄,喺新加坡唱咗好多場之後,我又到香港唱。」
重返樂壇,麗莎謂兒子不會擔心,她說:「佢叫我唔使湊孫,玩下就得,佢成日叫我想做咩就做咩,因為我瞓咗十年。我除咗同孫女玩,我仲玩Facebook,識咗個喺Facebook自己寫歌、唱歌嘅網友,我仲邀請咗佢幫我寫歌,希望嚟做演唱會嗰陣,可以同佢見面。」難得從睡夢醒來,麗莎直言讓她變得更樂天:「人生冇得控制,不過我唔要死,o依家我好開心,有得唱歌就好開心。」
採訪:盧妹
攝影:仇志德
形象:Aman Fong
empty
採訪、攝影:盧妹、仇志德
empty
麗莎早前於觀塘為宣傳演唱會受訪。
empty
empty
麗莎亦提到昏睡11年嘅日子。
empty