之前曾寶儀同爸爸曾志偉參加內地真人騷《極速前進》，有傳因為池水唔乾淨，搞到寶儀導致盆骨受細菌感染，要即刻番去台灣做手術，之後佢嘅經理人表示，寶儀要停工一個半月，估計損失約500萬新台幣。

出咗院7日嘅曾寶儀終於復工，錄影《藝文大道》，見佢精神奕奕，佢澄清自己係盆骨附近膿瘍，否認盆骨腔發炎，佢話因為節目嘅存貨唔多，所以先要提早復工，而爸爸知道之後仲話：「有那麼缺錢嗎？」

問到佢0依家嘅情況，曾寶儀就話因為工作太忙，抵抗力過低所致，唔係婦科問題，都唔影響生育，對於男朋友嘅悉心照顧，佢就甜笑表示唔使用病嚟考驗，佢都值得依靠。