葉家寶有份主持的網上電台節目《關阿公咩事》今日邀得宮雪花擔任嘉賓，早前從澳洲回港並已完成14日家居隔離的花姐，大吐苦水指當地機票令她「貴到想自殺」：「成30,000蚊張機票，返到嚟喺機場等咗7個鐘攞手帶同做深喉測試，冇得坐、冇得飲、冇得食，雖然之後安排去富豪酒店，但都係比劏房好少少㗎咋。」

花姐趁14日隔離期，在家中撰寫小說，回憶她在亞視的日子：「因為想喺書展出，所以要趕住寫，同埋家寶佢哋搞灣區世界小姐，我諗住去參加，減咗10幾磅。」花姐透露今年將舉辦不限年齡選美，笑言與葉家寶做競爭對手，家寶表示灣區世界小姐原定8月進行總決賽，因武漢肺炎疫情將延至明年初。

花姐自言冇錢，想響應國務院總理李克強的「地攤經濟」論：「我都要出嚟擺地攤，攞1,000件服裝同1,000件『朱義盛』出嚟賣，諗住擺喺演藝人協會門口，因為古會長嗰9,000蚊未畀我，等佢睇下花姐都要擺地攤啦。」

採訪：盧妹
-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新