鮮浪潮人才輩出，杜Sir可覺得新人由影圈入行仲易過由電視台入行？同樣出身電視台嘅杜Sir，今日到柴灣出席同ViuTV合作嘅《鮮浪潮．語》活動時就稱：「大部份香港電影從業員，我諗都係出自電視台，當時電視台要求嘅創意就大好多嘅，不斷有新思維。但係依家呢，方式啦形式啦制度又唔同，我又唔知道啦，因為我已經好耐冇做喇。

「做電影係要做多啲，同埋做電影其實係好麻煩嘅，一定要做好件事，但過程係好麻煩好艱巨。但係電視台呢，佢係有制度啦，最緊要係完成件事，唔使帶腦返工啦，但我哋以前，好多題材好多機會都要自己爭取。」

杜Sir話，時代唔同喇，佢只係希望可以為電影業做多少少嘢，去支持下啲小朋友：「唔同年代係冇得比較。」再問杜Sir依家忙緊開乜嘢戲呢？佢笑笑口話：「今年好多嘢搞呀，但冇一樣搞得出樣。希望可以開到部新戲囉。」

難得生性暴龍哥創科眾籌夢，遭隱世肥報販秒殺！ https://goo.gl/hnEB7D

「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw