名廚Chef Lé Mon呢期好紅，但唔好忘記仲有李家鼎，連亞洲萬里通都同鼎爺搞咗個烹飪班，同事明明姐都有去咗學。其實而家飛行里數已經唔只關搭飛機事，亞洲萬里通行政總裁黃思遠話，今年頭10個月會員經餐飲賺取里數，增加咗50%；而里數亦唔只用嚟兌換機票，非航空嘅禮品兌換多咗20%，其中換酒店、交通、體驗嘅都大增40%。

港人以食為天，Asiamiles就同OpenRice合作，只要經OpenRice App訂座，未食已經賺取第1重里數，如果訂嘅係指定Asiamiles餐廳夥伴，消費金額亦可以賺第2重里數；要賺埋第3重里數，只要11月27日至12月19日透過OpenRice訂座、或到夥伴餐廳用膳一次，即可獲享額外300里，名額有限。不過，記住首先要連結你「亞洲萬里通」賬戶去OpenRice App。

除咗食仲可以學煮餸，鼎爺之後仲會陸續有名廚教烹飪，可以喺 http://dining.asiamiles.com 獲得最新資訊。Asiamiles現有逾1000萬會員，係5年前嘅一倍，其中香港內地各有200多萬，台灣有100多萬。

費清＃要生計，也要生活＃毋忘初衷