【逆權運動】親歷「死亡列車」浩劫力證全是平民 目擊者:倘示威者就唔會搭去中環啦
港鐵太子站逃犯條例反送中逆權運動
「佢哋(速龍)毫無猶豫,一棍一棍向頭咁毆。我敢肯定,被打嘅人全部都唔係示威者!」警察8.31晚在港鐵太子站無差別襲擊乘客,事發時在一列荃灣綫往中環方向列車上的目擊者Peter(化名)說,被襲乘客「都是我由深水埗上車開始見到的市民」,原因是「如果係示威者,就唔會登上一架由荃灣開去中環嘅列車啦」。Peter形容自己坐上「死亡列車」,事發當刻腦海一片空白,與女友站在跪地男身後,「只可以開住把遮,攬住女朋友,聽天由命」,這夜他徹夜難眠,情緒尚未平復。
facebook專頁「家明」版主上載帖文,引述目擊者Peter的對話,還原昨晚太子站恐襲過程。文中指,Peter昨日一直在深水埗照顧患病家人,沒有到港島區,「本來想去銅鑼灣聽(歌手)Tommy唱歌都冇去」,至晚上他送女朋友回家,不料在深水埗站登上這架「開往中環的死亡列車」。
Peter憶述,列車在太子站埋站時,速龍已不斷衝到月台,雖然車上有很多乘客,但直指他們「都係唔關示威事嘅人」,並再進一步解釋:「如果係示威者,就唔會登上一架由荃灣開去中環嘅列車啦」,又指全副裝備的前線得悉警察會到場「就走晒啦,根本冇時間換衫換裝備,車上面,都是我由深水埗上車開始見到的市民!」對於警方辯稱有「專業能力」判別市民和示威者,Peter直斥是講大話,「合理化自己無差別毆打市民」。
親歷「7.21元朗恐襲」重演,Peter至深夜時,情緒仍未能平復,「當刻咩都諗唔到,只可以開住把遮,攬住女朋友,聽天由命」,形容命運已不是掌握自己手上,而是在警方的槍棍之下,而且足以致命。
有網民在帖文留言,稱當時晚飯後亦在太子站目擊混亂情況,認為「冇市民應該承受呢種恐慌」。該網民表示,雖然是目睹有示威者在現場換衫,相信站內有不少示威者,但「事實係當警方衝到落月台時,根本冇人有衝擊行為或危害他人嘅動作,個個都唔係黑衫嘅時候,警方話憑經驗去判斷邊個係示威者,完全無法令人接受」。他續說,作為目擊者,「所有危險同恐慌都係警察製造的,當時個個乘客都趕住衝返上地面,但警察又來勢洶洶咁沿路衝落去,真係好驚佢地(哋)失控無故打我一棍,同埋當時好易發生人踩人事故!」
-----------------------------
【撐學生】
召集有心人 撐學生全年睇《蘋果》
立即按此