商台主席何驥今日率領陳志雲、葛民輝、林海峰、森美、小儀、少爺占同當奴等同事於商台總台舉行新春團拜，佢哋一齊精心炮製賀年食品，並公佈雞年節目動向，當中2月14日特首提名期起，商台會有新節目《香港人話》，DJ會訪問各階層人仕對特首願境，演藝界有黃子華、許志安及詹瑞文等。子華對新任特首嘅願望係釋出最大善意、創意去解決社會紛爭，商台會將所有意見集結成文字版畀新任特首，另外903會推動廣東歌，於周日全日播放音樂節目，並於海外舉行音樂騷，實行將廣東歌帶出香港。

林海峰同葛民輝被問到新年工作大計，佢哋笑指剛放完新年假，仍未投入工作，所以大計係大吉大利，問到阿葛新年願望係咪娶新袍？佢即刻話：「啋，未有耐。」再講到林海峰大女林泳成兩大唱片公司爭奪目標，林海峰笑指該雜誌報道唯一啱係雜誌期數，當佢問到大女此事時，大女就「唧」一聲笑，然後問本雜誌會出幾耐，林海峰話：「出一期，呢個市隨時係最後一期，但拎到賀歲檔期，加上好多家庭相我都冇影。」

問到大女是否有入行意願？佢話：「冇冇冇冇冇，基本上冇，佢想當課餘活動就冇所謂，好似我同阿葛喺白英奇之後，諗住兼職做商台，一做廿幾卅年，仲搵緊正職。」佢又笑指喺屋企鼓勵嗰女沖涼同食飯都唔成功，所以全屋女性中佢只係比較容易控制到女嫞，所以喺屋企操控能力係「失禁」。問到太太彭羚有冇諗住兼職唱歌？佢話：「佢正職太忙，如果有興趣唱歌，佢哋成日喺架車立體聲唱，最近唱《La La Land》主題曲。」至於有冇唱片公司接洽，佢指只有相熟唱片舖接洽。

另外艾粒今日開售下月4號澳門騷門票，佢哋指今次係首站出外巡迴，亦係最後一場，加上製作單位係啱啱幫完Big Band造，佢哋笑指今次要加入韓風。