當年今日
關於我們

【楚雲聲】騎師王投蔡明紹 再加條三串四玩吓 (Cloudy)

蘋果日報 2018/12/25 21:45

Cloudy三串四楚雲聲蔡明紹騎師王旅遊大使

眨吓眼又過咗個聖誕,普天同慶之時段,我真心勤力,死刨爛刨。損友團覺得我有病,仲話我:「自己友面前扮咩工?」見我唔駁嘴,繼續低頭默默圈圈劃劃,肯定係轉死性,當我透明算數。
唯一有啲乜都賭之衰鬼,同時睇埋波馬,見我「扮工」順便問我幾隻,瞓醒有閒錢就買例飛再去蒲。我睬佢,仲唔同意佢撐大部份心水,有啲真係九唔搭八,須知道賠率係好吸引,但係中唔到乘零都係零。
其實有一隻,我無提亦係唯一無彈,唔知佢知唔知,我響呢度回應先。提示:散水前問幾時見,除夕晚好,我嚟坐,無錯又係咁款。
再問定2019年,認真唔睬佢哋住,原因係我又要飛啦!估到未?「旅遊大使」好可能係我之盤川來源。
聽晚(26日)第三場五班1800米,「旅遊大使」近三仗近而有獎金,贏唔到因為始終被動,今次個檔確係再外啲,但係1800米若果慢步速,佢可以先留住再搵時機踩油,我就係買佢呢樣,希望跑出都唔好太熱。
順手買埋蔡明紹騎師王,佢頭兩場之「駿協精英」同「塑料喜」都夠fit又有形勢,如果開跑前都仲有分頭就補多條WP(獨贏及位置)三串四。
empty
旅遊大使上次首戰谷中1800米入Q