旺角前日發生6歲女童被小巴撞斃意外，有目擊者事後情緒受困，甚至失眠。有網民的父親事發時在現場路邊等候過馬路：「見到成件事，成晚都瞓唔着！佢（死者）一落車司機就踩油走，佢揹住個水壺，同埋個美勞袋……成面都係血……」
另一位網民儍瓜叮叮也在香港討論區憤憤不平說：「我爸爸當時喺呢架車裏面，佢話個細路女落咗車，個小巴司機就勁快咁開車，之後我爸爸聽到一聲巨響，睇到個細路女趴咗喺地，我爸爸就大叫『司機你撞到人』，跟住司機停低，但嗰陣已經過咗成6、7個車位，發生只係幾秒之間嘅事，你話佢開得有幾快？」
社署總臨床心理學家劉家祖說，市民目睹一些慘劇，可能出現不安情緒，但情況會慢慢消失，如持續感到驚懼，影響日常生活，可向該署求助。