警方被醫護界批評喺公立醫院急症室亂咁嚟，企圖索料拉示威者之後，就好小學雞咁撤離咗伊利沙伯同仁濟醫院警崗，唔派人駐守。呢兩間醫院嘅警崗已經無開3日，好多醫護人員都話對醫院一啲影響都無，仲提議不如永久取消警崗，實行空間大改造用嚟做其他用途。

有醫護人員話，其實警崗出晒名係警察蛇竇，刪咗個警崗，醫護人員一啲都唔肉痛，係警察自己少咗個休息嘅地方；既然警察唔想擺警崗喺醫院，不如拆咗個警崗，改造救護員茶水間同休息室，擺啲小食喺度畀救護員，反正佢哋成日無飯食，相信唔會有人反對。有醫護人員又提議，不如改做廁所，急症室醫護人員成日咁忙，就近有個廁所方便好多；又或者放擔架床，甚至間多個急症室收症房，反正醫院咁逼，可以等病人舒服啲。

不過有醫護人員就話，大家都要同情駐守警崗嘅警察，因為豬一樣嘅工會令佢哋無咗個警崗，搞到佢哋做多咗嘢。好似噚日其中一間醫院送嚟一個墜樓傷者，最終不治，平日警崗警察熟晒個流程點做，例如要醫生寫驗傷紙、叫黑箱車將屍體送去殮房等等，做晒聯絡協調；但係噚日跟車嚟嘅警察就唔知點做，惟有打電話去油麻地警署叫伙記嚟幫手。

呢位醫護仲話，以前佢間醫院駐守警崗嘅師兄好好人，試過有大陸人喺急症室嘈話等得耐，呢位師兄就會出嚟「關心吓位大陸人有咩需要」，之後個大陸人就收聲。
-----------------------------
七一遊行2019
主題：撤回惡法 林鄭下台
副題/口號：重啟政改 釋放所有政治犯 撤銷暴動定性 徹查612鎮壓
日期：2019年7月1日
集合時間：下午2時30分
遊行路線：銅鑼灣維園中央草坪至金鐘政府總部
主辦團體：民間人權陣線
-----------------------------
【登記做選民 7月2日截止】

登記方法：
。親身取表填寫及郵遞
。網上登記（可用手機登入，在選舉事務處網頁打開REO-1表格，使用免費手機應用程式Adobe Fill & Sign打開表格，再按指示填寫資料，按儲存文件並以點擊分享，再電郵至 [email protected]）

詳情可參閱選舉事務處網頁：
https://www.reo.gov.hk/ch/voter/gcnr.htm

-----------------------------
7月4日起 《蘋果動新聞》只限升級壹會員閱覽
繼續撐蘋果！