英國當紅男子組合OneDirection（1D）上周先首次喺香港亞洲博覽館舉行演唱會，ZaynMalik、LiamPayne、NiallHoran、LouisTomlinson同HarryStyles嘅演出都令唔少fans好開心，不過自從Zayn被爆未嚟香港前於泰國開完騷時背未婚妻PerrieEdwards偷食攬女後，佢即刻就撇低組合返英國箍煲，留低四位隊友繼續進行巡迴，但無耐前又爆出新消息，Zayn公佈會正式離隊。
於1D嘅facebook宣佈消息：「經過難以置信嘅五年後，Zayn決定離開OneDirection。Niall、Harry、Liam同Louis會繼續以四人姿態舉行巡迴演唱會同錄第五張大碟。」
Zayn亦話：「我同1D嘅生命已經長過我能夠想像到，但經過五年後，我覺得係時候離開隊band，我想同fans道歉，如果我令任何人失望，但我要做我內心覺得啱嘅嘢。我離開係因為我想做一個正常22歲可以休閒同擁有私人時間唔受注視嘅人。我知我已有四個終生嘅好友，我知道佢哋會繼續係世上最好嘅樂隊。」
不過於Zayn公佈離開後，隊友都依依不捨，其他四位成員於雅加達開騷，Harry竟然唔小心喊咗出嚟，而當大合唱時，Liam就攬住空氣當攬住Zayn。
至於好多1D嘅fans亦淚漣漣，佢哋希望Zayn收回成命唔好離隊，有好多fans於網上自拍片段分享感受時都忍唔住喊晒口！