阿嬌（鍾欣潼）同靚仔醫生賴弘國（Michael），上個月26日喺洛杉磯嘅Millennium Biltmore Hotel Los Angeles舉行婚禮，一班好姊妹蔡卓妍、鄭希怡、容祖兒、何超蓮等，當日組成最強姊妹團陪住佢出嫁，令阿嬌感動得喺婚禮上多次落淚，但第一個喊卻是Michael……

傳媒問Michael平時是否眼淺？阿嬌答：「er…ok，嗰日就喊嘅時候伏咗喺我度囉，好man！」再問其他姊妹是否都有喊？她稱：「係呀…依家講起都眼濕濕。」

由於祖兒美國簽證過期，故全部姊妹起行後，祖兒仍留在香港「努力」，幸好最後一刻攞到簽證，畀阿嬌一個大驚喜。阿嬌今晚同Michael手拖手返港，講到祖兒最後一刻攞到簽證，阿嬌話：「佢係突然間彈出嚟俾Surprise我嘅，好意外，但係我其實一向投佢幸運票，冇諗過換人。」

阿嬌又話：「阿Sa有諗過叫祖兒寄套衫過去，換一個人，但係我心裡面點都唔會換人，寧願少一個都好。」問佢知唔知祖兒最後點樣攞到簽證？佢笑言：「佢真係好好彩，好幸運，大家日日同佢一齊撳電腦，日日打電話去問有冇籌，因為排隊嗰關係最難過嘅。」笑指祖兒都話佢一直對自己好有信心，阿嬌就講笑話：「可能係美國領事館睇到報道，俾個面，好開心呀！」

問阿嬌12月喺香港舉辦婚禮時，係咪會將花球畀另一好姊妹祖兒？阿嬌就話唔知，至於點解上次會直接交畀阿Sa？佢就笑住話：「咁花球得一個之嘛！（想下一個係佢？）我希望個個好朋友都得到幸福嘅！」

精選娛聞，喺晒《娛果》
http://fb.com/appledailyent