莫雷拉走後，近兩年星洲馬壇成為佢鄉里冼文諾天下，後者去年首奪新加坡冠軍騎師寶座，今年繼續帶頭，衛冕行情於剛周五晚中三元後，更變得越來越高漲。
剛周五晚新加坡克蘭芝馬場跑九場夜馬，冼文諾先後勝出第三、四、七場，當中第四場其座騎由納遜訓練之「花開結果」大勝六個馬位而回，為呢位冠軍級人馬奠下在星洲第300win新里程碑。冼文諾前年以六屆澳門冠軍騎師身份轉戰獅城，首年贏112win仍不敵雷神做二奶，上年後者移師香港，佢即以108win首度封王，今年雖暫只得81win，但已遙遙領先排第二之羅達30場，大有機會蟬聯桂冠。