當年今日
關於我們

【短片】謝勒扮Punk爆小丑 同女小丑街頭掹槍鬧交

蘋果日報 2015/05/19 06:00

小丑DCComicsHeathLedger希思萊杰MargotRobbieSuicideSquad大衞艾亞女小丑HarleyQuinnJoker

由大衞艾亞(DavidAyer)執導嘅新片《SuicideSquad》日前喺多倫多進行拍攝,呢部以DCComics反派做主角嘅電影焦點落喺金像男配角謝勒力圖(JaredLeto)所扮演嘅小丑身上。今次小丑有愛情線,佢喺街頭與扮演女小丑嘅MargotRobbie大耍花槍。

謝勒不惜剃眼眉及染綠色頭髮演出,鑲銀色假牙、滿身紋身、穿咗紫紅色衫襯銀色外套嘅謝勒帶點punkrock味,與希思嘅小丑造型好唔同。

據在場人士所拍得片段,該場戲係講謝勒同飾演女小丑HarleyQuinn嘅Margot發生爭執,不過劇情相當耐人尋味。謝勒駕駛住一架車牌係「HAHAHA」的紫紅色跑車嗰陣被Margot攔截,謝勒落車後與女方講數,期間謝勒手勢多多,態度輕浮。

之後Margot主動嘴謝勒但被推開,此時有個路人甲行出來叫佢哋唔好阻塞馬路,Margot竟突然掹槍將路人擊斃,然後將槍口對着謝勒。謝勒舉起雙手扮投降時將槍搶過來,然後又把搶指着自己的頭,情節變得相當快。最後謝勒大巴掌摑Margot令佢跌倒。

原著漫畫小丑同女小丑嘅感情關係十分複雜,女方經常被小丑利用及欺負。由於Margot唔是以女小丑嘅孖辮熱褲look示人,估計呢場係拍回憶戲。女小丑原本係一位名為Dr.HarleenFrancesQuinzel嘅心理學家,喺監獄治療小丑時被對方誘惑因而愛上他,並助他逃出監獄,此後她便成為了女小丑。