剛於早前接受一針化療,導致脫髮而索性剃光了頭的主角阿傑,在活動尚未開始前已到會場負責打點一切及招呼前來支持的親友,其父母和弟妹亦有陪同出席。
場面充滿溫馨
阿傑的母親李太與記者打過招呼後,有感而發地說:「阿傑喺香港搵咁耐都搵唔到,希望呢次專係為佢搞嘅活動可以幫佢搵到啱嘅骨髓。」
當驗血行動開始後,大批參加者魚貫進場,各人都忙着填表,有些知道驗血經費緊絀的人,更加「人到錢到」,將善款放進捐獻箱。不少人甫見阿傑,亦與他來個擁抱,一切盡在不言中,氣氛十分溫馨。
雖然大部份參加者都與阿傑相熟,不過記者亦能在芸芸眾人之中,找到一位與阿傑素未謀面的戚小姐。「我之前未見過阿傑,只係從朋友口中知道呢次活動,我亦都喺報紙睇過佢嘅經歷,我見大家都係後生仔女,幫得就幫,我平時都有捐開血,所以唔驚抽血。」二十三歲的戚小姐說。
另外,是次活動發起人之一、阿傑的摯友黃文國,亦在阿傑的陪同下進行抽血,阿國開玩笑說:「一啲都唔痛,可能姑娘手勢好,我啲血管又夠粗。」
當活動接近尾聲時,記者拉着阿傑問其感受,他露出一貫陽光笑容說:「今次我最想多謝阿國、蘋果基金同埋骨髓基金,我知道要搵到骨髓唔係咁易,不過就算我搵唔到,亦都希望幫其他血癌病人搵到,呢個係我嘅心聲。」
阿傑稱,早前原本需要接受三至四針化療,惟因肝酵素太高,被迫終止,近日其身體情況在藥物的控制下尚算穩定。