年輕男廚工透過IG和交友App結織三名女網友，其間涉自稱「油尖旺反黑」等字眼，令三女誤以為他是警察，並趁約她們外出飲酒後強行肛交或強姦。案件今在高等法院續審，單親媽媽事主P同意辯方所指，她在討論區講述自身經歷的貼文中，主要指控被告偷錢；惟她今解釋，其實當時亦想帶出遭被告強姦一事，只是貼文並無提及這一點。

案發時31歲的女事主P，事後於討論區Beauty Exchange上貼文講述經歷，及後她聽信另一事主Q的意見，認為貼文有漏洞，將之刪除。P今解釋，所謂漏洞只有兩句，其中一句提到「我心軟就帶咗佢返屋企」，P稱她其實想說「畀」而非「帶」；另一句則是「結果畀佢搞埋」，P謂正確寫法應是「畀佢強姦埋」。

至於她曾whatsapp另一事主R寫道：「多啲人告佢，佢入罪嘅機會都高啲」，P今解釋指因為認為「好多女仔都畀佢呃咗，所以係應該告佢嘅」。她重申，刪文用意絕非意圖毀滅與案件有關的證據。P又承認，貼文後有回覆留言，並有人曾將被告相片貼出，但她已忘記回覆內容。

事主與女兒生父在348的士高認識

P在控方覆問中又指，她曾向被告提及，與女兒的生父在已結業的348的士高認識，當年她18歲，但否認說過與女兒的生父是一夜情。P亦被問到遭強姦後為何仍相信被告聲稱會負責之說，她今指：「而家諗起都唔知點解會相信佢，可能係既然同佢發生咗關係，我希望佢講嘅嘢係真啦！」

辯方今早盤問P時指，事發當晚P曾替被告口交，兩人性交時亦換轉不同體位，被告最後在P的陰道外射精。P一概否認。P作供完畢，聆訊明續。

被告梅錦添（26歲）被控強姦、企圖強姦、非禮及未經同意下進行肛交共四罪受審。

【案件編號：HCCC334/18】
記者蔡少玲

-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX