麥當娜（Madonna）今晚於台灣開騷，吸引到大批藝人前往台北小巨蛋朝聖，張清芳、張惠妹、蕭敬騰及A-Lin等都有到場，而小S(徐熙娣)更孖好姊妹Makiyo、阿雅特別以一身娜姐打扮前來。

小S指佢一身打扮特別請造型師為佢準備，完全照足娜姐喺電影《神秘約會》（DesperatelySeekingSusan）造型，佢哋三個晏就四點半就開始化妝，小S更借出粉紅色外套俾Makiyo，話今晚要玩餐飽，佢仲學娜姐跟阿雅玩咀嘴搶風頭。

蕭敬騰就話自己買咗20幾張飛，但就唔清楚票價，佢就話今天主要來偷師，帶同一班同事一齊睇騷。