吳浩康被本報踢爆背女友鍾舒漫（Sherman）於一個月內連𠝹六女，形象跌落谷底的他繼日前缺席英皇團拜後，前晚英皇群星齊撐蔡卓妍（阿Sa）新戲《雛妓》首映，鍾舒漫現身撐場但拒受訪，相反吳浩康就繼續玩失蹤避見人，昨日又有雜誌爆他因太風流，曾於前年驚傳患暗病！
記者昨日分別致電向吳浩康和鍾舒漫求證，但兩位主角都沒回覆，曾於大前年跟吳浩康拍拖的𡃁模唐紫睿（Hazel）在電話說：「Sorry，唔再回應關於吳浩康嘅嘢啦。」對於吳浩康因風流傳有暗病，她說：「Sorry，唔知，冇回應啦。」
有指媾女無數的吳浩康曾向好友炫耀：「搞大肚就落咗佢！」問Hazel有否跟他試過搞出人命？她說：「冇呀，同佢劃清界線。」

莊思敏難容不忠

至於吳浩康另一位前度莊思敏，前晚到金鐘出席銀都機構春茗，對於鍾舒漫原諒了偷食吳浩康，莊思敏說：「呢啲係佢兩個決定嘅事，最重要兩個人相處開心。」問若發生在自己身上如何處理？莊思敏暗寸：「如果係我就唔得，每人性格唔同，我接受唔到不忠，呢個世界有唔同種類嘅人，想一齊有唔同經歷。」
問有否遇過男友偷食？莊思敏說：「其實好容易遇到不忠，主要睇點樣避免同處理，我就視乎佢點解釋。」當年與吳浩康拍拖時有否發現對方偷食？她則避答：「咁耐嘅嘢唔講啦。」
採訪：皓騫、張俊銘
攝影：陳慧安、仇志德