前日《城市論壇》有位貌似謝霆鋒嘅騎呢男子，忽然自稱係幫會成員，即刻俾主持收咪，仲俾警員帶走，隨即成為網上紅人。不過，原來呢位網民口中嘅「維園霆鋒」，係因為經歷過生意同感情失敗雙重打擊，才導致行為怪異。
據「維園霆鋒」嘅舊同學透露，佢年輕時遠走美國升學，畢業後經營IT生意，後來事業、愛情兩失意，敗退香港，行為開始變得怪異，先後喺南非同保加利亞惹上官非，要家人前往營救。最近一次返港更大鬧機場，要送往醫院接受治療，直到上星期至出院，試過去銅鑼灣Sogo門口打坐，轉頭就去咗《城市論壇》。據講佢屋企人好擔心，希望佢早日康復，生生性性啦。