轟動全球嘅裸照風暴日前爆發，有外國黑客利用蘋果iCloud雲端系統嘅漏洞，非法盜取一班全球當紅女星嘅裸照係討論區發佈。

其中係101女星名單入面，加拿大女歌手AvrilLavigne亦榜上有名，討論區有佢新照，不過佢係曝光照片中並冇露點，或者做其他色情行為，只係穿起較為性感嘅內衣照，照片中最多只係拍到佢半個「八月十五」，同埋成床HelloKitty物品，抱括Avril手抱嘅咕臣。有網民仲特登用佢張左手前臂有紋身嘅相同張「床照」做對比，以證明相中人係Avril。

至於有大批裸照流出嘅美國索模KateUpton，就照樣係紐約出席時裝頒獎禮活動，係佢自裸照流出後首次現身公開活動，不過佢笑容滿面，心情似乎冇咩受到影響。