足本重溫撳呢度

上期日賽後錯過《馬後炮》的馬迷唔使太擔心，因為《蘋果馬經》將會提供精華版，畀馬迷睇番呢對差距40年嘅爺孫丼陳華棟及Dylan，究竟有乜精彩言論，以及會炮轟邊位騎師當日發揮差。

其實好多馬迷賽後，對大熱門「時時精綵」嘅鞍上人潘頓，喺2400米一級賽香港瓶嘅發揮，覺得有問題，但兩位主持有另一番意見。

棟哥話估唔到「時時精綵」會用搶放戰略，可能基於排14檔，冇得選擇，並且話佢最後熱至18元Win，喺一場14隻馬2400米嘅賽事被迫要搶放，覺得佢已經跑得好好。

佢哋仲分析直路上「耀滿瓶」完全技術性把牠擊倒，因為「時時精綵」頭兩段快咗兩秒幾，貼欄放都耗力甚多，就算第三及四段按慢都冇用，但真係好輕鬆，最後都認同呢隻馬都真係好勁。

至於第八場2000米香港盃，棟哥大爆方嘉柏馬房「跳出香港」賽前曾經出現過一啲問題，佢指方嘉柏話過上次賽後有出現流血，唔知係肛門或是下體流血，總之就出現流血。

不過，相關消息冇得到官方確認，但如果真有其事，馬會唔公佈就值得商榷。

最後兩位主持當然要說今次賽事跟進馬，棟哥跟進尾場大熱嘅「幸福笑容」，佢認為一條直路衝贏，按理唔會加分太多，最多被加七分，並預計呢匹馬應該都值過百分（編者按：「幸福笑容」最新評97分）。

另外，「元朗之星」就係Dylan嘅推介馬，因為佢好喜歡血統向來跑長途，但縮程短途都能贏嘅馬，認為暫時跑1400米冇問題，將來再增程跑1600米都可以，1800米得唔得就唔敢講。

不過，Dylan拍心口話「元朗之星」下仗若增程至1600米，一定可以勝任。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
點擊即可免費睇相
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇