【新色】林寶堅尼Urus玩新色 推出Pearl Capsule新套件
蘋果日報 2020/06/19 00:03
林寶堅尼套件UrusPearl Capsule
連林寶Urus都覺得未夠搶眼未夠特別，現在則有Pearl Capsule套件多三隻色揀。
林寶堅尼（Lamborghini）推出Urus之後，賣車數字狂升，果然SUV車款對消費者來說實在充滿魅力，難怪近年不少跑車品牌都已推出或準備推出SUV車款。如果嫌林寶Urus都有點普通的話，現在有機會再使多啲錢特別啲，因為廠方會為Urus推出Pearl Capsule Package新套件。
說到好賣，林寶堅尼公佈自Urus推出以來，已經交車達8,300部。再說到車身顏色，你估最多人選出是甚麼顏色？最多人揀選的有兩種車身顏色，分別為易襯衫的灰色，以及林寶車迷最愛的黃色。
不過，現在車主們有更多選擇，因為可以為Urus選配Pearl Capsule套件，當中包括特別車身顏色，四層高光、珍珠效果的顏色包括Giallo Inti yellow、Arancio Borealis orange及Verde Mantis green，亦包括有黑色車頂、尾翼、尾擾流等選項。而四輪則會配上23吋黑色及車身顏色的輪圈，最後還有啞灰色的雙尾喉。
Pearl Capsule套件還照顧內櫳，包括two-tone顏色，配襯黑色和車身顏色組合。而座椅中亦會有六角形繡線紋理。至於飾件，則會由碳纖及黑鋁金屬互相配合，買家亦可以選配電動Alcantara座椅。
而2021年版的Urus亦會有新設計車匙，可以用上Grigio Keres Metallic Gray這新顏色。選配項目則有改良了的Parking Assistance Package，可以操控軚盤、油門及制動完成泊車。亦有Sensonum Sound System提升音響質素，730-watt擴音器，17個揚聲器。最後，引擎性能不變，依然是3,996c.c.雙渦輪增壓V8引擎，650匹馬力及850Nm扭力。
撰文：Michael
編輯：鄒仲安
四輪亦會配上23吋雙色輪圈。
車櫳會襯番車身顏色，真係好搶眼。
座椅中間位置亦會有特別繡線紋理。