今年香港打吡大賽3月18日上演，好幾匹奪標熱門都落實咗騎師人選，香港經典盃冠、亞軍「星洲司令」同「時時精綵」，繼續配上史卓豐同潘頓，而雷神莫雷拉就應騎「當家精選」。

喺1月初曾經騎過「星洲司令」參加試閘嘅炒飯哥羅理雅就坦言，自己呢一刻仲未搵到打吡座騎。

羅理雅當日操完「星洲司令」後竟然唔騎，呢隻惡馬因此落入史卓豐手上，並於經典一哩賽入Ｑ及勝出香港經典盃。

炒飯哥今季成績甚佳，但經典一哩賽及香港經典盃四歲三冠大賽頭兩關竟然冇馬騎，當初棄騎「星洲司令」嘅原因，仍然係一個謎，不過世事難料，話唔定佢會搵到匹好馬，出戰打吡大賽！