深井近年新盤湧現，已屆十四年的麗都花園，變成老牌屋苑。但也因樓齡差距，造價較新盤平一大截。三房連套房海景單位，市價低於百五萬元。
麗都花園共五座，各座B及G室，為三房海景戶。其中G室向東南，較受買家鍾愛，放盤不足十個，筍盤是其一，廳房俱擁覽碧海及青馬大橋遠景，優美動人。
內櫳以實用取勝，客廳深十四呎，非同樣尺碼的新樓能及。地櫃及梳化相距遠，大可選用巨型電視，變身為家庭戲院。飯廳位處另一方，兩區分野清晰。三個房都闊落，兩間細房七十方呎，可從容擺放家具，套房則約百呎，活動空間多。
中原冼英偉說，筍盤開價150萬元，略低於市價，而裝修尚可。原裝廚廁設備已經換過，保養不俗，質素較同類為佳。

點解咁筍
●享東南海景，同類放盤僅數個。
●叫價1861元，較同類低逾一成。
●間隔實用，內櫳企理。
●鄰近有各式店舖，食肆選擇多。