當年今日
關於我們

【韓流】車勝元兩年冇拍電影 復出作有壓力

蘋果日報 2014/05/13 06:00


《最佳愛情》嘅型男車勝元,近日忙於拍攝同李昇基合演嘅新劇《你們被包圍了》,不過噚日佢都抽空到首爾,出席佢有份主演嘅新片《高跟鞋》嘅製作報告會,已經有成兩年冇拍電影嘅車勝元,坦言話期待新片有好嘅成績。

不過下月上映嘅《高跟鞋》,將會對撼另一型男張東健嘅新片《哭泣的男人》,張東健同車勝元一樣,都有成兩年冇拍電影,所以兩位型佬復出之作,自然難免被外間拿來做比較。

對於會唔會覺得有壓力時,車勝元就話:「雖然與《哭》片之間有善意的競爭關係,但我亦希望對方也能有好成績,已經意識到要和張東健競爭,說沒有的話那都是騙人的。」