陳慧琳（Kelly）日前為喺聖誕節舉行嘅演唱會主題曲《Let'sCelebrate》錄音。今次繼續搵嚟合作無間嘅雷頌德（Mark）作曲及監製，歌曲節奏輕快，就好似同歌迷一齊開P咁。

Mark表示：「Kelly每次錄音都準備充足，一定背好歌詞，對旋律熟悉先入錄音室，所以每首歌都係一兩日就可以完成錄音。」Kelly表示，0依家每日都要排舞，而為咗呢首歌，亦特別練咗新舞步，希望喺演唱會時為觀眾帶嚟新鮮感。

Kelly話：「0依家一個星期練足七日舞，照顧兩個囝囝嘅工作，就交畀老公負責。」Kelly續稱，已有一段時間冇咁密集式排舞，最初有啲唔習慣，返到屋企時候，周身骨痛，不過0依家習慣咗。