基斯坦奴朗拿度（C朗）效力曼聯期間，喺領隊費格遜麾下贏過唔少冠軍，兩人關係到𠵱家都仲好好。不過呢位葡萄牙球星啱啱加盟紅魔嗰陣，其實都未適應到費Sir嘅「風筒」對待，仲俾佢鬧到喊㖭。但C朗就話費Sir當年嘅一番說話令佢好深刻，到𠵱家都好難唔記得。

話說喺2003年，C朗以1,200萬鎊由葡超士砵亭過檔曼聯，加盟第一季佢喺紅魔一場鬥賓菲加嘅比賽踢得唔好，賽後俾費Sir捉入更衣室「開風筒」。費Sir提醒佢，要記得自己嘅責任喺邊，對曼聯嚟講又有咩意義。摘錄自西班牙記者Guillem Balague嘅《基斯坦奴朗拿度》，當時係咁：「喺更衣室，費Sir失晒控咁鬧『你以為你係邊個？想自己一個踢晒？如果你繼續係咁，你唔會做到足球員！』然後C朗就開始喊，其他球員就安慰，（紅魔中堅）里奧費迪南話『佢仲要繼續學習』。呢個係成隊人想俾C朗嘅訊息，唔單止係費格遜，大家都想佢好好學習。」

不過，佢哋嘅關係隨着合作時間越耐變得更好，C朗仲記得當年費Sir格外開恩，俾佢離隊返屋企探病重嘅爸爸，費Sir講嘅嘢仲令佢好深刻：「我淨係想同佢講『好多謝你為我做過嘅嘢』。我最記得係，嗰陣我爸爸入咗醫院，但我哋球季表現又唔好，嗰時仲要踢歐聯同聯賽，我就同佢講『我想去探爹啲』。當時我係隊入面嘅主力，但佢就話『聽住，你屋企人係你生命中最重要嘅嘢，如果你想去三日、四日定五日，都可以去。』呢番說話我記到𠵱家，所以點解我咁尊重佢，佢係我遇過最好嘅教練。」

-----------------------------

要錢周轉使乜出街 Borrow From Home啦！

需要錢周轉但又唔想出門口！

邦民日本財務急你所急，只需要一個手提電話號碼同一張身份證#就可以申請貸款，貸款直接經轉數快瞬間過數^，實行Borrow From Home！

新客仲有迎新現金獎高達HK$5,000▲添！

貸款額全數過戶，絕無手續費。

立即申請 : https://bit.ly/2UlZfUU

推廣期由2020年11月1日至2020年11月30日(包括首尾兩天)

須受條款及細則約束，詳情留意邦民日本財務( 香港)網頁。

忠告：借錢梗要還，咪俾錢中介

放債人牌照號碼：1328/2020

查詢及投訴熱線：3199 1199

-----------------------------

《體蘋果》 陪你睇波講波

-----------------------------

《蘋果》英文版免費試睇： 了解更多

英文版已登錄《蘋果》App，立即下載/ 更新： iOS / Android

-----------------------------

支持蘋果深度報道，深入社區，踢爆權貴，即Like 蘋果專題及調查組FB專頁 ！