【怕你唔夠食】施匡翹分享茹素心得 戒肉曾被家人極力反對
茹素施匡翹
樂壇新人施匡翹從17歲開始食素,她希望和大家分享固中歷程,今日終於有機會到新城電台參與飲食節目講解,稱未吃素前是無肉不歡。
年輕的茹素者較少,施匡翹解釋:「因為喺網上睇到肉係點樣製成,就開始食素,我現時未係完全素食,因為好鍾意食甜品,戒唔到雞蛋仔,遲啲可能會挑戰純素。」施匡翹又透露最初吃素時家人極力反對:「覺得會冇營養,但咁多年又見我咁大嚿就冇再出聲。」
施匡翹自爆中學時期好大食,可以一次過吃三個麥當勞快餐加雪糕,平日要吃家庭裝雪糕才滿足,結果變成肥妹要的起心肝減肥,施匡翹說:「入行後經理人又嫌我肥,減肥都係我新一年目標。」
今個聖誕節施匡翹會炮製素火雞,平安夜會和家人吃飯度過,暫時單身的她笑說:「冇計啦,冇拖拍好慘,聖誕節個個都好浪漫,一個人好悶,唯睇到人哋啲相畀個like啦。」
-----------------------------
《2019高級珠寶鑑賞誌》
點擊即睇過百款鑽飾名表 -----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇 樂壇新人施匡翹從17歲開始食素,今日到新城電台參與飲食節目講解。
施匡翹自爆中學時期好大食,結果變成肥妹要的起心肝減肥。