【子健蘋馬】應是另一匹谷草專家！「智力寶」今場應可補中
蘋果日報 2019/12/25 21:05
蔡約翰補中谷草專家智力寶子健蘋馬
智力寶12月20日曾在莫雷拉胯下，於從化馬場試閘。（香港賽馬會）
谷草明晚（26日）第七場三班1650米，蔡約翰麾下「智力寶」上仗第二次到跑馬地出賽，挑戰急彎窄場以及增程一哩之兩大難度。
這場居然可以拍貼「精神威」與「狂舞派」兩匹谷草專家同到，若太片面定性為靠賺快步速，而否定「智力寶」所克服難度，實在有欠客觀。
「智力寶」當時上山落坡再遇1分15秒8之快步速，對牠而言考驗更大，再以「精神威」及「狂舞派」作指標，幾可認定「智力寶」是另一匹谷草專家。
無論視上仗為搏輸抑或試準都好，只知蔡約翰自此下定決心，再等明晚同程出戰。
今次休息超過五星期，試夠兩課大閘，進一步推高狀態再落場鬥。
此駒今次抽埋1檔起步，同場有「紀利雄星」、「太陽威威」、「盛大光輝」係前領馬，出現慢步速可能性唔高，降低被困死機會，應可補中。