郭富城日前喺微博公佈喜訊，證實同大陸妻方媛嘅愛情結晶已經出世（新聞連結： http://bit.ly/2yjyEdI ），首次當爸爸嘅城城趕返香港見妻女後，已急急返大陸繼續《全球追緝令》劇組，至今仲未有公開露面。

而城城主演嘅2018大年初一賀歲片《西遊記女兒國》今日就發放「手到情來」宣傳照，取經四師徒除咗飾演孫悟空嘅城城，「唐三藏」馮紹峰、「沙僧」羅仲謙同「朱八戒」小沈陽原班人馬演出，海報中4人嘅反應不一，相信大家都期待電影喺香港宣傳，見吓城城，同聽佢分享吓親子樂事！