隔牆有耳：藝術家變陣聲援燃民主之火
黃傘撐入大會堂 - 李八方
蘋果日報 2014/10/29 00:00
佔領運動遍地開花，更成功打入曾被警方重兵佈防嘅大會堂！一班喺大會堂參展「未來．自家製」展覽嘅七位新媒體藝術家，有四位喺「9.28事變」後臨時變陣換展品，聲援場外嘅雨傘運動，包括有反地心吸力懸浮喺半空嘅黃色雨傘、有用唔同聲音演繹「我阿媽個朋友個仔個表姐話我知」嘅「謠言生成器」，仲神奇過多啦A夢法寶。
《死纏爛打民主機》不滅
最令八方覺得神奇嘅，可算一堆砌成「928」字樣嘅電子蠟燭。每當蠟燭熄滅，一隻白鴿就會拔地而起重燃蠟燭，寓意遍地開花嘅民主之火吹極都唔熄。八方同其他參觀者睇得過癮，但相信當權者見到呢堆吹極唔熄嘅蠟燭就相當心煩。
設計呢件《死纏爛打民主機》展品嘅藝術家Eric同八方講，好多藝術家喺9.28後冇心機繼續原有創作而變陣。佢自己嘅設計靈感，係嚟自之前喺網上被廣傳嘅「世上最冇用機器」，呢部機器構思係當你一打開開關，就會主動自己㩒熄個掣，Eric話「呢個開同熄嘅動作係相當之鍥而不捨，我想藉呢個動作去講，我哋其實都係一樣，都係咁努力咁去爭取我哋想要嘅民主」。
佢話明白香港人三分鐘熱度，但呢個係漫長嘅抗爭過程。透過作品，佢希望香港人好似隻白鴿咁唔好放棄。展品喺大會堂低座一樓展覽廳展出至下月1號，去金鐘飲嘅朋友，可以到大會堂順道一遊。
設計呢件《死纏爛打民主機》展品嘅藝術家Eric同八方講，好多藝術家喺9.28後冇心機繼續原有創作而變陣。佢自己嘅設計靈感，係嚟自之前喺網上被廣傳嘅「世上最冇用機器」，呢部機器構思係當你一打開開關，就會主動自己㩒熄個掣，Eric話「呢個開同熄嘅動作係相當之鍥而不捨，我想藉呢個動作去講，我哋其實都係一樣，都係咁努力咁去爭取我哋想要嘅民主」。
佢話明白香港人三分鐘熱度，但呢個係漫長嘅抗爭過程。透過作品，佢希望香港人好似隻白鴿咁唔好放棄。展品喺大會堂低座一樓展覽廳展出至下月1號，去金鐘飲嘅朋友，可以到大會堂順道一遊。
沈如茵嘅《一傘張力》，以磁力令小黃傘懸浮，寓意要有平衡客觀環境先可出現奇蹟。