【本報訊】面對「袋住先」的民意呈下跌之勢，民建聯主席譚耀宗相信，是泛民宣傳奏效，令支持者表態反對政改，同時認為有人對香港政局心灰意冷，寧不要普選。民主黨主席劉慧卿則認為，民調結果反映政府行為令人反感，不願與泛民溝通和讓步，只為北京喉舌。
對於近八成泛民支持者也反對「袋住先」，譚耀宗認為這是因為泛民的「負面」說話產生影響：「可能泛民宣傳成功，令到支持者聽咗佢講，信咗佢哋……我唔贊成（叫）『袋住先』，好似畀人一個感覺係『唔係好嘢』，但係呢個（政改）好嘢，行咗一大步。」

劉慧卿：市民反感

譚耀宗甚至認為，反對「袋住先」的人包括對政局感厭煩的人：「可能有啲人覺得佢哋（泛民）成日都反對，最後都係唔成事，可能有啲心灰都唔定……唔排除有啲人認為唔一定要普選，覺得呢個環境有咩變化都唔係好安心。」
譚耀宗稱，過去聽到的民意主要是支持通過方案，反對的多數是參與佔領運動的人和年輕人。他又說，如果泛民繼續將自己綑綁反對聲音，對解決政改紛爭沒好處，只會令自己更難下決定，若泛民堅持反對，相信政改最終不能通過。
民主黨主席劉慧卿則相信，「袋住先」的比例下降是因為市民對政府的做法很反感：「因為市民已經知道呢個普選係假嘅，但政府不斷叫人『袋住先』，市民係會覺得好反感，知道政府誤導公眾，市民唔係白癡㗎！政府鋪天蓋地嘅宣傳，竟然適得其反。」
劉慧卿又認為，政府說要與市民就政改溝通，但骨子裏卻是拒絕溝通，不欲聆聽反對者意見，僅是出席自己陣營的論壇，「咁係會令人覺得，佢哋只係想替北京說話，唔係想幫香港人講嘢」。
■記者姚國雄