市場終於炒到西班牙了。以去年GDP計，一個西班牙大過希臘、愛爾蘭及葡萄牙3個加起來的1倍；而以去年總外債計，一個西班牙也大過3國加起來。目前市場要花幾多銀両救市？7500億歐元？無所謂了。總之，如果西班牙也出事，可以救多一倍。
歐元近年所行的浪（升跌也好），一行半年；是故早已指出，今回歐元跌市未完，問題只是跌到何時跌到哪裏。上次單炒希臘已跌三千點（算五到算二），今回炒愛爾蘭又跌一千（1.43到1.31），若再加上葡、西二國，再跌二三千點又何足奇哉？固然，有問題的不只歐洲，美國唔好得幾多。是故可能再跌一二千點便回頭翻炒弱美元。

金價硬淨跌不下去

純粹看位，歐元今回較差可見1.17，最差則1.08，視乎爆幾大鑊。固然，要跌如斯幅度亦非一步就到；既然尚有數月可跌，目前大可於算三上落一輪。至於美元兌日圓，早前亦指每310日浪底已見，目前轉行升浪，阻力於88左右。至於其他外幣，料喘定後會繼續轉弱；英鎊、加元將較窄幅，澳、紐則大漲小回；似乎只有黃金跌不下去。

羅家聰
交通銀行香港分行首席經濟及策略師

王良享、丁世民、溫灼培、羅家聰及黃元山專欄，將於周一至周五輪流刊出