憑韓國選秀節目《PRODUCE 101》而出道嘅限定人氣男團Wanna One，早前展開世界巡迴演唱會《ONE：THE WORLD》，下月28及29號更會嚟到香港開騷。

Wanna One近日就飛咗去美國開騷，先後會去聖荷西、達拉斯及芝加哥開騷，難得赴美國，佢哋仲爭機出外遊覽一番。由於佢哋現時人氣急升，所以即使去到美國佢哋都有保安全程貼身保護住佢哋，不過佢哋仍自得其樂，好似尹智聖就拖實邕聖祐影相，示範一下女友角度嘅影相方法，而李大輝亦都為邕聖祐留倩影，曾任模特兒出身嘅邕聖祐不時都會成為隊友嘅影相對象。

而邕聖祐今日亦有喺粉絲專頁留言，指自己大前年2月首次踏足紐約，當時佢要坐成6個鐘頭嘅公車先可以到達目的地，用咗一周時間去走遍紐約唔同角落，又承諾下次如果再到呢度就要食得好同埋周圍逛逛，今次佢仲同埋成員一齊嚟，令佢終於實現夢想。

更多韓流，喺晒《娛果》
http://fb.com/appledailyent