港鐵競步賽後，有「香港競步之父」稱呼的教練神行太保（Bill Purves）找上程小雅，邀請她逢周三晚到葵涌運動場練習，「初初接觸競步都覺得動作好奇怪，扭屁股咁，屋企人都覺得『吓？』，以為係行路。」接觸競步時，她已升讀預科，有日教練突然提醒或有機會以競步成績申請獎學金到美國讀大學，對出身平凡的她而言如開了一扇大窗，她天天加操預備，「一星期練一日唔會夠快拎到獎學金，我就朝早5點起身，5點半到6點幾就返學，自己加操。」最終高考成績放榜前，她已獲美國大學取錄，放下心頭大石，練習更密，「去到外國我唔想輸畀人」。

程小雅說以前讀書時，每逢考試必緊張非常，「背書要背到可以寫晒出嚟先去考試」，初往陌生地，在長途機上她忐忐忑忑，「當時第一次見外國教練，搭飛機真係好驚，唔知過關會點，又要講英文。」開首一年，學業、語言、訓練一一都是障礙，結果成績不似預期，原以為能於全美大學生賽穩奪三甲，最後只排第十，「我知道自己成績可以更好，但心理上唔夠自信，驚囉，其實未去比賽已經好怯場，唔知點解覺得係外國人就好勁。」暑假她回港調整，翌年再戰同一賽事，賽前一晚教練着她想像自己置身奧運賽場，「佢叫我喺起步線閉起雙眼，想像未來會成為奧運選手，比賽時我去到最後三個圈就領先，衝線時有啲難以置信，感覺好正。」

記者：洪量丰

-----------------------------
你撐蘋果 我捐$1
支援反送中抗爭者
--------------------
《體蘋果》陪你睇波講波
https://www.fb.com/appledailysports