葉蒨文（沙麗）同林子祥（阿Lam）前日結婚16周年紀念，佢哋唔二人世界，反而全家一齊慶祝！前日中午12點，阿Lam先揸架MiniCooper去深水灣鄉村俱樂部接受訪問，之後就返跑馬地屋企會合沙麗。

大約5點鐘，見沙麗同阿Lam坐七人車去柴灣嘅Palco意大利餐廳慶祝結婚周年，仲約埋沙麗嘅父母及Lam仔林德信㖭，餐飯足足食咗兩個鐘，之後沙麗、阿Lam同Lam仔就搭的士去銅鑼灣嘅紀利華木球會。原來沙麗約咗朋友打羽毛球，難為個仔同老公喺度等佢打波，打到差唔多10點先走人。
採訪、攝影：黃曉程、吳耀輝、彭琮然