【本報訊】原告男童李東諺的母親萬月玲昨率先出庭作供，在辯方盤問下承認自己不懂足球，但稱憑普通常識，已知事發時由次被告謝志明一個球證對10個年幼球員「唔足夠囉」，又指案發時被告無提供防護裝置，「美式足球都有簡單護膝嗰啲……如果有，唔會發生今次事件」。辯方大狀聞言失笑，反問：「你知道美式足球同足球係兩樣嘢？」她答：「唔係好知，剩係知都係足球。」
萬供稱自己不多運動，亦沒踢波；丈夫有踢波，但她沒去看；兒子則「好鍾意睇足球，就唔係好鍾意踢」，升小學時求她代為報名參加校內足球課程。她讓兒子學了差不多一年，其間兒子又求她買足球手套，指同學也有，但不肯定他曾否學守龍門；辯方稱「足球用手犯規」，她說「唔係好知」。