歐瑞偉、許紹雄同羅蘭等，今日喺奧海城出席頒獎禮，入行多年嘅歐瑞偉向來對家庭嘅事都好低調，最近佢就鮮有咁上載咗一家人嘅相上facebook之餘，仲同太太接受咗周刊訪問。

對於有指18歲囡囡Nicole天生明星相，歐瑞偉就令囡囡曝光一事(新聞連結： http://bit.ly/2wiqjqi )，佢今日專登向囡囡say sorry，佢仲話有啲影響咗個女嘅生活，問到Nicole有冇興趣入娛樂圈？佢就話：「讀完書先算啦，佢暫時都興趣不大，亦都唔會好奇，因為平時我同啲同事朋友聚會都會帶埋佢。呢啲等佢自己選擇，大家都知呢行壓力好大，強迫唔到。」歐瑞偉仲話囝囝已經21歲，佢仲大讚囝囝型過自己。

另外，有報道指許紹雄搞生化科技生意，佢否認此事話：「絞腸痧就有，完全冇啲咁嘅事，我係一個冇文化嘅人，唔好害人！」但再問到有指生意係佢同細佬一齊搞，佢就話：「等我了解吓先，因為細佬都搞好多生意。」不過許紹雄就話自己冇錢搞生意，喺麗的年代搞運輸生意，輸咗幾萬蚊，自此怕怕。