當年今日

自認外星人 未夠成功
周秀娜硬闖科大預咗被插

蘋果日報 2009/10/05 00:00


周秀娜(Chrissie)短短一個暑假就火速彈起,成為性感o靚模代表,更獲科技大學邀請出席講座分享經驗,但此舉卻被認為是「水鬼升城隍」,更有人指科大將低俗神聖化。昨日Chrissie出席電影《死神傻了》宣傳活動時坦言並非分享成功經驗,只是以嘉賓身份討論工作經驗和想法,更稱不怕被攻擊。
新戲《死神傻了》昨日於新世紀廣場舉行宣傳活動,一眾演員包括周秀娜、謝安琪(Kay)和鄭融等都有出席,眾人與現場觀眾大玩遊戲。對於科技大學理學院於後日舉行的「知識無限」講座系列以「解讀周秀娜現象」為主題,邀請Chrissie出席,未舉行已引來極大反對之聲,主人翁Chrissie說:「其實當日校長邀請我參加都覺得好愕然,當日會同大學生討論吓我嘅工作經驗呀、點面對壓力,同埋我呢個年紀嘅諗法。」
「乜都頂得住」
提到有人指科大將低俗神聖化,又批評不應以o靚模作分享主題時,Chrissie說:「我仲係新人,距離成功仲有好大段距離,所以今次唔係分享成功嘅經驗,只係以嘉賓身份,應李小良教授邀請分享我自己對工作上嘅一啲諗法。」日前莊思敏狠批Chrissie,指她應該去外星居住,她笑說:「幾得意,其實我食嘢時都似外星人,因為我食好多嘢。」
Chrissie又稱不會因負面指摘而不悅,她說:「唔會唔開心,仲要多謝大家關注呢件事,就算有乜嘢攻擊我都頂得住,因為我知自己點解去做,所以唔會太介意。」問到可擔心講座舉行期間有人抗議時,她說:「應該唔會,其實我自己唔係大學生,都想了解吓佢哋嘅諗法。」
empty
謝安琪以女巫造型現身,向台下觀眾派糖果時,引起現場一陣混亂。
empty
不少fans在現場舉牌為偶像打氣,其中以陳偉霆及謝安琪最勁。
鄭融玩變髮
同場出現的鄭融自上次走光之後,繼續密實示人,以白背心配牛仔褲出現,但她的髮型卻認真特別,她說:「因為今季我啲衫都已經着得七七八八,加上自己又懶,所以就整個特別髮型。」她又提到自己非一定要穿名牌,出口店一樣無任歡迎,她說:「其實冇乜所謂,有一次行過灣仔一間舖頭,見到幾靚就入去睇吓,老闆仲畀VIP卡我,好開心執到平嘢。」
鄭融續說:「其實50蚊同5萬蚊都一樣會着,覺得靚就OK啦,買衫係一個樂趣,唔可以話平就唔買,咁分等級唔公平,係錯嘅觀念。」她又提到中秋節假期到內地旅遊:「放幾日假返咗大陸唞吓,不過日日都喺酒店。」問到是否與緋聞男友莊冬昕人月兩團圓時,鄭融即笑說:「冇乜特別。」
採訪:藍文浩
攝影:陳志嵐、馮嘉文
empty
鄭融笑言自己沒有新衫亮相,故此惟有整個出位髮型博見報。