美國女星蓮莎露夏恩（Lindsay Lohan）上年年已同俄羅斯富二代未婚夫Egor Tarabasov分手收場，當佢分手將滿一年，其間都不失神化，仲透過社交網自薦話想做真人版《小魚仙》女主角Ariel，而蓮莎最近終再次投入工作回歸螢光幕，日前就喺Instagram公開同電影《哈利波特》（Harry Porter）系列中嘅「榮恩」拍檔。

童星出身嘅女星蓮莎細細個已成為當紅偶像，可惜成名卻令佢一度染上毒癮，當紅時爆出吸毒、酗酒等負面消息，近年開始重回正軌，仲剪短髮演出全新電視劇《Sick Note》，其拍檔有演技派男星尼克科斯（Nick Frost），以及曾飾演「榮恩」而揚名嘅英國男星路柏格連特（Rupert Grint），今次配搭引起觀眾關注，蓮莎大讚自己真係好感恩可以跟呢班超有才華又誠實嘅人合作，對於新工作顯得充滿幹勁，相信蓮莎定會同「榮恩」擦出唔少火花。