「李彩華小背心」，這個笑話在高登歷久不衰，不單成為網絡經典「潛力圖」，更是「中伏」的代名詞。笑話其實源自年前有高登仔在高登討論區貼出題為「李彩華著白色小背心」的網文，吸引大批好奇網民click入，一心以為內有女藝人李彩華的性感照，發現原來只是時任香港仔漁業海鮮商會副主席的李彩華，穿着白色背心接受無綫電視訪問的截圖，成為經典網絡熱話之一。

改女人名原來有段故

其後，此圖經常被回帶，「魚佬」李彩華亦因此在高登人氣急升。每逢他上電視接受訪問，均會被巴打絲打截圖放上網。而常被惡搞的李彩華自言已見怪不怪，他並謂自己叫李彩華，其實亦有段故。「老豆爛賭，成日唔返屋企，我出世時唔知去咗邊，阿媽又唔識字，BB仔要改名，同宗細叔伯個女叫李彩鳳，話不如改做李彩華，我阿媽之後先知，唔係好鍾意，問點解要改個女人名」。
只是，既來之則安之，是上一代人的生活智慧，物換星移，華仔變了今日的華佬，叫甚麼名字，早沒所謂。「好似我公司叫肥婆海鮮，都係因為以前喺艇，啲人嚟買魚，慣咗叫我阿媽肥婆，好多街坊，叫咗幾十年，真名係咩反而冇人知，到後來艇戶都要登記，乾脆就叫肥婆，易記又有親切感吖嘛」。「小背心李彩華」如是說。
■記者呂麗嬋